Neuroplasticity Of Chakras | Superior Mindset

Neuroplasticity of chakras. What is chakra exercise ? How chakra balancing benefits. Kundalini is a mindset of aura cleansing and chakra balancing exercises.

Neuroplasticity Of Chakras

Ye poori kranti human potential ki hadein paar karne ki hai. Mera anubhav aur research conclusion ye kehta hai ki har insaan ke paas anant shakti hai aur ye shakti use apne brain se milti hai. Vedic Philosophy mein jab chakron ki baat ki jati hai toh main use Neuroplasticity ke perspective se hi samajhta hoon.

Please zoom in and carefully read the contents of the picture above.

Chakron ki philosophy badi gehri hai. Main seedhe uske us hisse par baat chhedunga jo maine na kahin padhi aur na hi kisi aadhyaatmik guru ke muh se saaf saaf suni, yahan tak ki Osho ke muh se bhi nahi. Ye shuddhroop se mera anubhav aur najariya hai. Basically, sab neuroplasticity hai.

Matlab ye, ki aap aapne dimag ka kitna istemaal karte hein yani ki aapka brain kitna plastic hai, plastic matlab taralta kitni hai, taki aap jab chahein jaise chahein apne brain mein koi bhi neuroplastic connection jhat se bana lein ya tod dein taki apne jivan par aapka ekaadhikar ho. Aapki khushiyan, gam, sapne, laalsaayein, vaasnayein, pratikriyan yahan tak ki jis maya yani ki matrix mein aap reh rahe hein aur jo vastav mein aapke ki neurons ka mental projection hai - ye sab aapke adheen rahe.

Seven main chakra of Human Brain

Chakron ki drishti se brain ko saat mukhya bhaagon mein bata gaya hai. First level insaan ke survival ke liye jimmedar hai. Doosra pleasure ke liye. Teesra Sankalp yani ki Will power ke liye. Chautha prem aur bhavnaon ke liye, Paanchva expression yani ki abhivyakti ke liye, Chhatha chakra yani ki third eye yani ki aagya chakra intelligence ke liye, intuition ke liye, aur saatvaan mukti ke liye.

In sabhi chakron ki position insaan ki backbone ke along photo mein dekhi ja sakti hai mujhe describe karne ki jarurat nahi. Chakron ke bare mein kuch gambhir baatein samajhne ki jarurat hai. Wo yeh ki aisa koi insaan nahi hota jiske chakra active nahi hote ya khule huye nahi hote. Fark bas itna hai ki jo log jivan mein shikar par pahunch jate hein unke chakra gati pakad lete hein yani ki speed mein aa jate hein.

1. Agar kisi ka Root Chakra active nahi to wo zinda hi nahi rahega.
2. Sacral Chakra bhog ka chakra hai, agar ye active nahi hota koi bhi insaan sex, sugar, sharab, ghee, butter ka maza na le pata.
3. Agar Solar Plexus active na hota to vyakti mein bistar se uthkar bathroom tak jane ki bhi will power na hoti.
4. Agar Anahat Chakra active na hota to insaan bina kisi emotions ke zinda laash hota.
5. Agar Vishudhh Chakra active nahi hota to insaan likhne, padhne, bolne, rone, chillane yahan tak ki ishaare se apni baat samjhaane ke bhi kaabil nahi hota.
6. Agar kisi ka Agya Chakra active nahi hota to usmein itna bhi samajhne ka dimag nahi hota ki glass seedha kis taraf se hai aur usmein paani kaise daala jaye.
7. Agar Crown Chakra kisi ka active nahi hota to insaan poori tarah se robo hota - wo sirf aur sirf command par chalta - an absolute slave.

Ab aap dekh sakte hein ki aisa koi bhi insaan nahi hota jiska koi bhi chakra active nahi hota fark bas speed pakadne ka hai. Jiska root chakra speed pakad leta hai wo insaan apne survival ko lekar super confident ho jata hai jaise ki mukesh ambani, mukesh ambani ka beta, shahrukh khan aur uska beta, kisi bhi politician ka beta… lekin paisa aur power sirf ek aspect hai.

Apne survival ko lekar jitna ambani ka beta confident hai utna hi sadak chalta sanyasi bhi - gandhi ho ya ramana maharshi, dayanand ho ya vivekanand. Koi bhi cult leader, bodybuilder, fauzi etc. Matlab chakron ka saara concept mindset hai.

Web stories - Click and Watch

Kundalini Is A Mindset

Matlab jitne bhi motivational speaker hein duniya mein wo logon ka mindset change karke basically unki kundalini ko hi active kar rahe hein aur unke chakron ko speed mein la rahe hein. Agar Sacral chakra speed mein aa gaya to insaan ayyashi ki zindagi jiyega. Manipur chakra speed mein aa gaya to fir Dashrath Manzhi ki tarah pahad tak tod sakta hai.

Heart chakra speed mein aa gaya to gau raksha andolan chalayega, child abuse ke khilaaf ladega. Visuddhha chakra active ho gaya to fir mahan kalakar banega bhaashan dega, kavitayein karega, dance karega, cooking mein apni kala dikhayega, music mein, kheti mein, business mein, acting mein, marketing mein etc. Aur agar Agya chakra speed pakad liya to fir aag lagadega. Crown chakra active hote hi insaan mukt ho jayega matlab ab kuch karna nahi padega, sab apne aap hota chala jayega.

Surrender-ship Transforms Everything | Superior Mindset

How surrender-ship Transforms Everything, How to understand purpose of life, Who are superiors, An attempt to clear your concepts in regard of human potential.

Surrender-ship Transforms Everything

Superiorism is a way of living dedicated absolutely to creativity. And creativity is not just about painting, sketching, music or poetry. Your whole life and expression of your personality is a creativity. Let’s see how.

Hinduism, Islam, Christianity, Buddhism, Law of attraction, Quantum Physics, Taoism aur teachings of Lao Tzu, Osho, Shri Krishn, J Krishnamurti, Eckhart Tolle, Esther Hicks etc. inmein sabse badi common baat jo milti hai, wo hai - SURRENDERSHIP. Is se purpose of life bhi clear hota hai.

How to understand "surrendership"

Purpose of life kya hai, aur life mein humein kya karna hai - ye dono alag alag sawal hai. Purpose of life ko hum detail mein dekhenge. Jahan tak sawal hai ki humein kya karna hai to wo hai - KUCH NAHI. Vedic philosophy mein ise Sakshi (watcher) hona kaha gaya hai. J Krishnamurti bhi 40 saal tak ‘freedom from thought’ ka hi raag alaapta raha.

Stillness par main itne quotes isliye gina raha hoon kyunki saari ki saari creativity and all the ideas stillness se hi nikalte hain. Ye wahi stillness hai jise hum true passion ka source kehte hain. Ek aisa kaam jise karte waqt hum true fulfillment feel karte hain. Humein kisi ke sahare ki jarurat nahi hoti. Na kisi insaan ki aur na kisi nashe ki. Wo kaam hi humara nasha hota hai.

We Feel Connected to Our Spirit When We Are Doing That

Ek aisa kaam jo hum bina paise ke, bina ghadi dekhe bhi kar sakte hain. Ek aisa kaam jo humein powerful feel karata hai. Jismein humein mehnat nahi karni padhti. Jo bas hota chala jata hai apne aap. Aisa lagta hai ki hum wo kaam kar hi nahi rahe hain balki wo to ho raha hai and it seems like a journey jiske hum passenger hain. I call it Superiority.

The Meaning of Superior

Superior shabd ka matlab bilkul bhi yahan kisi doosre insaan se superior banna nahi hai balki har din, har week, har saal apne aap se behtar banna hai. Aur ab isse ye bhi clear ho jata hai ki aapko kuch karna hi nahi hai, aapko bas jo ho raha hai use dekhte rehna hai aur use hone dena hai. Aur ye nischit hai ki agar aapne resist nahi kiya to zindagi aapko apne rang mein aisa rang degi ki kuch sadiyon mein Krishn ke saath aapki bhi pooja hone lagegi.

Ab yaad kijiye ki humne baat ki thi ki Universe basically infinite forces ka rangmanch hai. Aur jo aapki Superiorites hain - chahe wo guitar ho, piano ho, tabla, mouth organ, spirituality, youtube channel, seduction, writing, speaking, revolution, song composing etc. - kuch bhi ho - ye sabhi un infinite forces ki leelayein hain. Ye Universe ka bada hi khatarnak cosmic play hai jo Universe khelna chahta hai kabhi Main aur Aap banar. Aur kabhi Steve Jobs, Bill Gates, Sandeep Maheshwari, Osho, Premchand, Gandhi, Bhagat Singh, Subash Chandra Bose etc banke.

Universe Is The Infinite Forces Of Consciousness

Ye Universe alag alag insaan ka roop leta hai aur har insaan ko dil se awaaz lagata hai ki wo kya karne ke liye bana hai. Gandhi ko jab awaaz aayi to use pata chala wo wakaalat ke liye nahi balki politics aur activism ke liye bana hai. Subash ko awaaz aayi ki wo bureaucracy ke liye nahi balki Army Leader banne ke liye bana hai. Dhirubhai ko awaaz aayi ki wo oil company mein job karne ke liye balki apna business karne ke liye bana hai. Chetan Bhagat ko laga use bank ki naukri chhod kar writer ban jana chahiye. Arvind ko laga use IRS ki job chhod kar netagiri karni chahiye. Badshah ko laga college drop karke rap karna chahiye. Duniya main jo bhi logapne field mein shikhar par pahunche hain unhone apni dil ki awaaz ko suna hai. Jaruri nahi ki aap us insaan ko pasand karte hon. Lekin uski kaamyabi bhi aapki jalan ka ek kaaran ho sakti hai.

Kamyab logon ki success stories to aksar sunne ko milti hi rehti hai. Lekin main yahan ek gambhir baat karna chahta hoon. Wo yeh ki pehle to Sab Neuroplasticity Hai se ye pata chalta hai ki har insaan ke paas 100 billion neurons ka khazana hai jinka istemaal karke wo jo chahe kar sakta hai, fir Neuroplasticity Of Matrix se pata chalta hai ki ye duniya humare hi neurons ka mental projection hai aur agar hum ispar command kar sakein to jaise chahein waisi apni duniya bana sakte hein. Aur sabse bada krantikari khulasa to jis topic se hua wo yeh ki asli chamatkar toh Stillness mein hi hain, toh fir dikkat kya hai? Kaun rok raha hai? Bas ek cheez rokti hai har shakhs ko, wo hai -Lack Of Knowledge. 

An Attempt To Clear Your Concepts In Regard Of Human Potential

Lack of knowledge se shuru hota hai Fear. Aur fear kar deta hai sab barbad. Stillness (mann ki shanti - relaxed mind - tension free mind - stress free mind - mind with freedom) mein se jo creativity nikalti hai wo fear ki wajah se khatm ho jati hai paida hone se pehle hi. Iska example aapne dekha hoga Tare Zameen Par movie mein. Yahan main fir se yaad dila doon ki creativity se mera matlab sirf painting ya poetry nahi hai. Creativity ka matlab hai apni zindagi ko ek unique roop dena. Ek aisa insaan banna jo kabhi nahi aaya is duniya mein aur kabhi aayega bhi nahi.

And It Requires No Efforts Too

Bas aapko apne saare fears, saari conditionings, saari anxieties, doubts, confusions jala daalne hain. Main nahi jaanta ki kaise main aapko is baat ki super seriousness samjhaaun. "Basically, ye Nature, yani ki Universe, yani ki Infinite Forces ka maksad hai". Maksad alag alag possibilities creatively experience karna. Har ek insaan aur har ek human brain Nature yani ki Universe yani ki Consciousness ka unique tool hai jiske jariye Universe har insaan ko mauka deta hai ki wo apne infinite potential ka istemaal kare aur ek shaandar zindagi create kar rke dikhaye.

God Is A Neuroplasticity | How Gratitude effects Reticular activating system | Superior Mindset

God Is A Neuroplasticity of the brain. How to Increase Neuroplasticity of the brain, How Gratitude effects on brain, How Gratitude effects Reticular activating system, Main function of the Reticular activating system, Placebo effect psychology.

God Is A Neuroplasticity

I make it very clear here that I do not believe in a creator. I believe that existence is a self aware spontaneous force that creates and destroys itself. I believe in energies and forces.

Main maanta hoon ki sab kuch energy ka bana hua hai, energy ne hi banaya hai aur sab kuch energy hi hai. Energy ke roop anek hain, kaam anek hain, kaam ke hisaab se naam anek hai. Har energy ka apna force hai aur in anant forces ka hi rangmanch hai ye sansaar. 

The universe is basically a play of these infinite forces and the play is called Leela.

Neuroplasticity of the brain

Knowledge ki kami hone ki wajah se logon ne apni samajh aur kalpana ke anusar bhagwan banaye, moortiyan banayin, allah banaya, god in heaven banaya, swarg-nark, jannat-jahannam banaye. Lekin main humare poorvajon ki is imagination ki saraahna karta hoon. Kyunki jab aap koi kalpanik bhagwan bana lete hein to aapke brain mein us god ka neuroplastic circuit banne lagta hai. Fir aap us bhagwan se judi kahaniyan banate hein, kisse banate hein, manyatayein banate hein - jiski wajah se us neuroplastic circuit ke andar aur bhi sub-circuits banne lagte hein.

In kahaniyon mein emotions hote hein, fear hota hai, prem hota hai, ummeedein hoti hein. Kisi bhi neuroplastic circuit ko jab emotions se banaya jata hai toh use todne mein sadiyaan lag jati hein. Isi ke sath god /allah / bhagwan ki pooja karne ke liye alag alag musical songs ka istemaal hota hai, khushboo daar cheezon ka istemaal hota hai-kehne ka matlab brain ka full involvement hota hai jiski wajah se wo god aapke dil-o-dimag par poori tarah se chha jata hai.

Aapko ab poori tarah se yakeen ho jata hai ki wo hai!! Usne hi humein banaya hai!! Wo dekh raha hai!! Humein use jawab dena hai.

Lekin god/allah/bhagwan naam ka neuroplastic circuit jo ban gaya hai aapke brain mein - wahi aapko ab shakti deta hai, confidence deta hai, ummeed deta hai, insaan ko insaan se pyar karna sikhata hai, aapko galat kaam karne se rokta hai, aapko detachment sikhata hai, karm karna sikhata hai.

Gratitude effects on brain

Aur sabse powerful cheez jo sikhata hai, wo hai - Gratitude!! Yes, english dictionary ka sabse powerful word agar koi hai to wo hai Gratitude.

Matlab apne bhagwan ko, apne allah ko, apne god ko, universe ko thanks bolna. 

Thanks God for giving me this life. 

Thanks God for giving me a home.

Thanks God for giving me caring parents. 

Thanks God for these eyes to see. 

Thanks God for these ears to listen. 

Thanks God for these two invaluable hands. 

Thanks God for these two legs to stand and walk. 

Thanks God for giving me the intelligence to think. 

Thanks God for the food. 

Thanks God for the knowledge and wisdom to make money. 

Thanks God for the people who love me. 

Thanks God for my subscribers.

Thanks God for giving me the idea of writing these blogs.

Thanks God for the internet, phone and electricity. 

Thanks God for everything.

Ab jab roj din mein ek baar aur Islam mein to din mein paanch baar apne God ko thanks bola jata hai toh wo Gratitude ka neural network ekdum strong hota chala jata hai. Yahan se baat uthti hai Reticular Activating System ki.

Function of the reticular activating system

Jab aap koi nayi gaadi lene ke baare mein soch rahe hote hain to sadak par aapki nazarein sirf gaadiyon ko hi dhundti hai. Ek boot polish karne wale ko sadak par chalte logon ke sirf joote hi najar aaate hein. Bhookhe ko sirf khana najar aata hai. Pyaase ko sirf paani. Business minded ko sirf paisa. Womanizer ko sirf ladkiyan.

Roz brain par billions of information bombard ki jati hai. Lekin brain lagbhag sabhi informations ko nazar-andaaz kar deta hai siwaye un cheezon ko chhod kar jin par aapka focus hota hai ya jo aapke liye jaruri hoti hain.

Gratitude practice karne se aapka Reticular Activating System aapke jivan mein sirf blessings par focus karta hai jiski wajah se aap ko sirf blessings hi nazar aati hain. In fact, aapka poora thought process positive ho jata hai. Aur fir hum ye to jaante hi hain ki ‘Thoughts Create Reality’.

Toh basically, Muslims ka Allah, Egypt ke Egyptian gods, Greece ke Greek gods aur Hinduon ke 33000000 gods hai to sab imaginary, lekin poori tarah se kaam ke hain. 

Placebo effect psychology

Neuroscience mein ise Placebo Effect kaha jata hai. Chhoti moti bimari ke liye doctor jab koi tablet deta hai toh wo aksar sugar pill hoti hai, lekin mareez ko doctor par confidence hota hai aur mareez ka brain ye maan leta hai ki wo pill lene se uski bimaari theek ho jayegi. Aur sach mein wo theek ho jata hai.

Matrix in real life | Neuroplastic brain plasticity | Superior Mindset

What is matrix in real life, what is the use of matrix in real life, concept map of quantum mechanical model of atom and electrons vibration all around us.

Matrix in real life

What is real? How do you define ‘real’? If you’re talking about what you can feel, what you can smell, what you can see, then ‘real’ is simply electrical signals interpreted by your brain.

Kehne ka matlab ye hai ki agar aapke saamne ek garam coffee ka mug rakha hai aur jismein se kuch aap pee bhi chuke hein. To coffee mug ka dikhna, usmein coffee ka dikhna, uski khushboo ka ehsaas hona, mug ke garam hone ka ehsaas, jubaan par coffee ka taste, garam coffee ka gale se neeche utarna aur ek refreshing feeling hona ye sab to matr neurons ki ek ke baad ek Fire hone ka nateeza hai. 

Kalpana karein, agar kisi tarah in sab neurons ko dheere dheere diffuse kar diya jaye to aapko na coffee mug najar aayega aur na hi usmein rakhi coffee, na wo chhoone par mehsoos hoga, na usmein koi taste hoga aur na hi koi khushboo. Matlab blank!! Complete blank!! No experience. No thoughts. Absolute nothingness.

Neuroplastic Brain Plasticity

Ab iska ulta! agar sara ka sara experience Neurons ke level par hi ho raha hai toh vastav mein humare saamne garam coffee se bhare mug ke rakhe hone ki jarurat hi kya hai? Coffee mug ko dekhne se jo neuron Fire ho raha tha, agar use Fire kiya jaye, to saamne Coffee mug na hone par bhi wo kya saamne najar nahi aayega? Kya sirf coffee ke taste ka neuron Fire kara dene se jubaan par coffee ka taste nahi aayega? Is daleel ko aage badhate hein to hum payenge ki vaastav mein kuch real hai hi nahi. Ye poori duniya, insaan, humare mata pita, relatives, roads, cars, mountains, rivers, animals, water, milk, technology etc. kuch bhi real nahi. We call it Matrix / Maya / Neuroplastic Mental Constructs.

Concept Of Quantum Reality

People who use Quantum Physics to explain spiritual concepts are called Pseudoscientists and many times conmen too.
Basically ye duniya molecules se bani hai, aur molecules atoms se. Atom ka centre neutron aur proton se bana hota hai jiske chaaron taraf ghoomte hein electrons. Ab ek electron vaastav mein kya hota hai ye main aapki research par chhota hoon. Meri research aur samajh ke anusar, aur aasaan bhasha mein kahun toh, electron energy ka ek bundle ya fir packet hai. Protons aur Neutrons ko banane wale fundamental particles Quarks hein jin par research main fir se aap par chhodte huye apni understanding batata hoon. Wo ye ki quarks bhi energy ke bundle matr hi hein. 

Kehne ka matlab hai ki sab kuch energy hai jo ek wave (tarang) ke roop mein vibrate maar rahi hai. Ye energy kabhi marti nahi, kabhi paida nahi hoti, ye humesha se thi, humesha rahegi, yahi sab kuch hai, iske siva kuch bhi nahi.

Yahi shiva hai aur yahi satya hai. Basically, agar ek pal ke liye is duniya se Shiva ko hata liya jaye to fir jo bachega wo ‘Kuch Nahi’ hoga. Toh nothingness yani ki ‘Kuch Nahi’ mein vibrate maarte hue energy packet ka hi symbol hai ye - Shiv Lingam.

The base of Shivling represents the nothingness and the movement of lingam gives birth to time. Is baat ko acche se samajhne ki jarurat hai. Agar ye wave packet ‘Nothingness’ mein oscillate karna yani ki vibrate karna band kar de toh na kuch create hoga na kuch exist karega aur na kuch destroy. Ye creation, existence aur destruction ka chakra hi Samay ke janam ka kaaran hai. Toh kisi bhi ancient philosophy mein jahan bhi Snake dikhaya gaya hai, wo basically Time ka hi symbol hai.

Lekin Quantum Reality ka Neuroplasticity se kya lena dena hai? To jab aap ye samajh lete hein ki ye poori duniya sirf vibration ki bani huyi hai. Aap ke chaaron taraf log, sadak, ghar, gaadiyan, kutte, smartphones, food aur yahan tak ki pyar, nafrat, deshbhakti, laalach, hawas, seva, confidence, fear etc. sabkuch vibration hai, sab kuch!!

Aur sabse badi baat toh ye ki aap khud ek vibration hein. Aapki body aur aapke thoughts. Lekin body toh poori tarah se neurons ke hisaab se kaam karti hai aur thoughts bhi neurons hi paida karte hein. Toh basically, humare neurons hi toh humari vibrations hein. Aur vibration hi vibration ko attract karti hai - this is called resonance.

Definition of resonance ‘In physics, resonance is a phenomenon that occurs when a given system is driven by another vibrating system or external force to oscillate with greater amplitude at a specific preferential frequency.’ 

Vibration all around us

Basically universe mein, yani ki humare charon taraf har prakar ki vibrations mauzood hain. Humara mind aur body yani ki humara jivan unhi vibrations ko receive karta hai jo vibrations humari vibrations ke sath resonane mein hoti hein. Kayi preachers ise ‘vibrational match’ ka naam dete hain. Hum in vibrations ko feel kar sakte hain. Humare emotions, feelings aur thoughts hi vibrations banate hain.

Ek gareeb insaan humesha apni taqleefon ke bare mein hi sochta rehta hai. Uska ek ek neuron humesha taqleefon ki frequency par vibrate karta hai. Uske thoughts aur uske body ka ek ek cell universe mein yahi vibrations chhod raha hota hai ki wo pareshan hai, dukhi hai, takleef mein hai etc. Aur isiliye uske vibrational match wali ghatnayein uske sath hoti hain aur aise hi log use milte hain jo uske jivan mein aur bhi pareshaniyan lekar aate hein.